Níu vikna hlaupanámskeið í lokuðum hópi á Facebook undir leiðsögn reyndra þjálfara. 

Námskeiðið er opið öllum, hvar á landi sem er. Áherslur miðast við byrjendur eða þá sem eru að hefja hlaup eftir hlé. 

Hver og einn hleypur á sínum hraða en unnið er út frá einfaldri æfingaáætlun (þrjú erfiðleikastig í boði) þar sem álag æfinga eykst hægt og rólega í takt við getu hvers og eins. Fróðlegu hlaupatengdu efni er svo komið á framfæri við þátttakendur í gegnum myndbönd, stöðuuppfærslur og fjarfundi.

Markmiðið er að þátttakendur byggi upp þol til að geta hlaupið í 30 mínútur án hvíldar.